Friday 30 January 2015

பாடல் - 2

பலன்: பிரிந்தவர் ஒன்று சேர்வர்

துணையும் தொழும் தெய்வமும் பெற்ற தாயும் சுருதிகளின்
பணையும் கொழுந்தும் பதிகொண்ட வேரும் பனிமலர் பூங் 
கணையும் கருப்பு சிலையும் மென் பாசாங்குசமும் கையில் 
அணையும் திரிபுரசுந்தரி ஆவது அறிந்தனமே

பொருள்:
அபிராமியே எனது துணை, நான் தொழும் தெய்வம், என்னை பெற்ற தாய். அவளே வேதம், அதன் கிளை, வேர் அனைத்தும். தன் 4 கரங்களில், மலர்களால் ஆன அம்பு, கரும்பினால் ஆன வில், மென்மையான பாசம் (கயிறு) [இதிலும் மென்மை. அன்னையின் கருணை. சொற்ப விஷயங்களில் பற்று வைக்காதே, என பக்தனை மெல்லிய கயிற்றினால் கட்டுகிறாள்.], அங்குசம் ஆகியவற்றை கொண்டுள்ள திரிபுரசுந்தரி என்று அன்னை அபிராமியை அறிந்து கொண்டேன்.

லலிதா சஹஸ்ரநாமத்தில்

  1. ராகஸ்வரூப பாஷாட்யா (ராகம் -பற்று , அம்பாள் மீது  பற்று  வரவேண்டும் என்பதற்காக அந்த பற்று வடிவாய் கயிற்றை வைத்துள்ளாள். அதை பக்தன் மீது செலுத்தி கட்டினால், அவனுக்கு அம்பாளை தவிர வேறொன்றும் தெரியாது.]
  2. க்ரோதாங்கார அங்குஷோஜ்வலா [குரோதம் -கோபம், அதனை அறுப்பதற்கு, அங்குசம்.]
  3. மனோரூபேக்ஷு கோதண்டா [மனம் எனபது கரும்பு வில் போன்றது.]
  4. பஞ்ச தன்மாத்ர சாயகா [சப்த (சத்தம்), ஸ்பர்ஷ (தொடு உணர்வு), ரூப (பார்வை), ரச (ருசி), கந்தம்(வாசனை) ஆகிய 5 உணர்வுகள் ] 
என்று வருகிறது.

மன்மதனிடமும் கரும்பு வில், மலர் அம்பு  இருக்கிறது. அதனால் காமம் (ஆசை) உண்டாகுகிறது. ஆனால்  அன்னையிடம் இருக்கும் கரும்பு வில், மலர் அம்பு ஆகியவை நமக்கு காம ஜெயம் (ஆசையினை அடக்குதல் - வைராக்யம்) தருகிறது.

பாடல் - ராகம் கௌளை, தாளம் ஆதி



Check this out on Chirbit

No comments:

Post a Comment